അമ്മയും കുഞ്ഞും ...

മുറ്റത്തിനു കുറുകെ കെട്ടിയിരുന്ന അഴകളിൽ ഉണങ്ങാനിട്ടിരുന്ന ,
 മഞ്ഞനിറം പടർന്ന വെള്ളക്കീറ്റത്തുണികളിൽ
 തലമുടി കുരുങ്ങാതിരിക്കാൻ
 കുനിഞ്ഞു കൊണ്ടാണ് കയറിച്ചെന്നത് !
 "ജോണ്‍സണ്‍ ആൻട് ജോണ്‍സണ്‍ "കമ്പനിയുടെ 'റ്റാഗിട്ട'
 മണമുള്ളൊരു കാറ്റാണ് എനിക്കിരിക്കാൻ
 കസേര വലിച്ചിട്ടു തന്നത്
. കുടിക്കാൻ തന്ന വെള്ളത്തിലെ പാൽമണം കൊണ്ട്
 ഓക്കാനം വന്നെന്നെ തടഞ്ഞു നിർത്തിയത് ,
 പാലുകുടിക്കാൻ വേണ്ടി കരഞ്ഞ "അവനാണ് "!
പാലു നിറച്ചൊരു കുപ്പി അവന്റെ വായിലേക്ക് തിരുകി വച്ചു കൊടുത്തിട്ട് അമ്മ ടി.വി സീരിയലും കണ്ടിരിയ്ക്കുമ്പോൾ,
പുറത്തെ തൊഴുത്തിൽ ,പാലു മുഴുവൻ കുടിച്ചുപോവാതിരിക്കാൻ മാറ്റിക്കെട്ടിയ ഒരു പാവം പൈക്കിടാവ് ,
ചവർപ്പുള്ള കാടിവെള്ളം കുടിച്ച് ദാഹം തീർക്കുന്നുണ്ടായിരുന്നു !